Мақолалар

Сингапур порахўрликдан қандай халос бўлганини биласизми?

Чоп этилди Iyul 11, 2019 Сингапур порахўрликдан қандай халос бўлганини биласизми?da fikr bildirishni o'chirish

Сингапур давлатининг собиқ бош вазири Ли Куан Ю порахўрлик билан қандай курашган?

У бундай ёзади: “Агар коррупцияни йўқ қилмоқчи бўлсангиз дастлаб ўзингизнинг энг яқин уч нафар дўстингизни фош қилинг. Сиз нимага шундай қилаётганингизни аниқ биласиз, улар ҳам худди шундай — нимага фош қилинганини аниқ билишади”. Сингапур давлати 1965 йилда мустақилликка эришганида унинг қисқа муддатда энг ривожланган мамлакатлар қаторидан жой олишига шубҳа қилганлар кўп бўлган. Аммо Сингапурнинг собиқ бош вазири Ли Куан Ю ўзининг “Учинчи дунёдан — биринчига” китобида давлатнинг ривожланишига оид жуда кўп қимматли фикрларини ўртоқлашган. Вазирлик лавозимига келганида, дастлаб иш бошлаганида эса шундай ёзади: “Менда иккита йўл бор эди: биринчиси, юртни талаш, қариндош-уруғларимни атрофимга йиғиш, уларга мансаб бериш, уларни “Forbes” (дунёнинг энг бой одамлари рўйхати эълон қилинадиган журнал) рўйхатига киритиш, бунинг эвазига халқни ҳеч нарсасиз қолдириш.

Иккинчи йўл, ўз халқимга хизмат қилиш ва мамлакатни жаҳондаги 10та энг ривожланган мамлакат сафига қўшиш. Мен иккинчи йўлни танладим”.

Ли Куан Ю ўзи ўйлаганидек Сингапурни энг ривожланган давлатлар сафига қўшди.

Кўпчилик ундан Сингапурнинг ривожланиб кетишига яна нима сабаб, қандай қилиб улкан давлатдан ажраб чиқиб ривожланган давлатга айландинглар, буни қандай амалга оширдингиз? деб сўрашганида уларга жавобан шундай дейди: «…Мен фақат Ватаним олдидаги бурчимни бажардим. Давлат бюджетини таълимга йўналтирдим. Муаллимни энг қуйи табақадан Сингапурдаги энг юқори мартабага кўтардим. Давлатдаги «мўъжиза»ларни амалга оширган инсонлар — муаллимлардир. Улар илм, ахлоқ, меҳнат ва ҳақиқатни севадиган, камтарин авлодни етиштириб чиқардилар. Бунинг учун улардан миннатдорман!».

Хулосамиз шуки, муаллимлар аввало, КАМТАР, меҳнат ва ҳақиқатни севадиган авлодни етиштириб чиқишлари керак экан.

Мен Ли Куан Юнинг “Учинчи дунёдан — биринчига” китоби барча мансабдорлар, вазирлар, ўқитувчилар, сиёсатчилар столида туришини хоҳлардим…

Ривожланган мамлакатлар тажрибасига суянадиган турли қонун ва қарорларни ўйлаб топаётганлар, мана сизларга яна бир қўлланма, яна бир дастур…

Manba: zarnews.uz