Ўзбекистон янгиликлари

Президент фармони: Ўзбекистон аэропортларида «Очиқ осмон» режими жорий этилади

Чоп этилди Yanvar 7, 2019 No Comments

Ўзбекистоннинг логистика жозибадорлигини тубдан яхшилаш, шунингдек, маҳаллий аэропортларда парвозларга хорижий авиакомпанияларни жалб этиш ишларини мувофиқлаштириш бўйича ишчи гуруҳига мамлакатдаги айрим аэропортларда “Очиқ осмон” режимини жорий этиш юзасидан ўрганиш вазифаси топширилди.

Бундан ташқари, Кун.уз нашрининг ёзишича Ўзбекистондаги барча халқаро аэропортлар ва темирйўл вокзалларида ибодат амалларини бажаришга мослаштирилган хоналар пайдо бўлади. Бу ҳақда Ўзбекистон Республикаси Президентининг “Ўзбекистон Республикасида туризмни тезкор ривожлантириш бўйича қўшимча чора-тадбирлар тўғрисида”ги фармонида қайд этилган.

Давлат раҳбари ибодат амалларини бажариш ва таҳоратхоналар учун жойларни 2019 йилнинг 1 июнига қадар жиҳозлаш топшириғини берган.

Ўзбекистон мусулмонлари идораси Матбуот хизмати

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan