Янгиликлар

Ислом динида аёлларнинг ўрни талқинига янгича ёндашув

Чоп этилди Avgust 13, 2019 Ислом динида аёлларнинг ўрни талқинига янгича ёндашувda fikr bildirishni o'chirish

 

 

 

Бугун Самарқанддаги Имом Бухорий халқаро илмий-тадқиқот марказида АҚШнинг Стэнфорд университети маърузачиси бўлган ёш ватандошимиз – диншунослик ва Ўрта Осиё тарихи фанлари бўйича фалсафа фанлари доктори Азиза Шоназарова иштирокида семинар-тренинг бўлиб ўтади.

Бу ҳақда марказ матбуот хизмати хабар бермоқда.

Ўзбекистон Фанлар академияси Шарқшунослик институти Ёш олимлар кенгаши билан ҳамкорликда ўтказиладиган семинар-тренингда Исломда аёлларнинг тарихий ўрни, аёллар тўғрисидаги оятлар ва уларнинг талқинлари, ҳадисларда баён этилган аёлларнинг жамиятдаги ролига оид масалалар ҳақида сўз юритилади.

Азиза Шоназарованинг “Ислом динида аёлларнинг ўрни олималар нигоҳида“ мавзуидаги маърузаси тингланади.

Маълумот ўрнида айтиш лозим, Стенфорд университети АҚШ инновацион олий мактаблар рейтингининг биринчи поғонасида туради.