Пазандалик

Рецептлардаги спиртли маҳсулотларни ҳалол маҳсулотларга алмаштирамиз 0 212

Чоп этилди Oktabr 30, 2019 Рецептлардаги спиртли маҳсулотларни ҳалол маҳсулотларга алмаштирамиз 0 212da fikr bildirishni o'chirish

Замонавий пазандачиликда таом тайёрлаш жараёнида спиртли маҳсулотларни тавсия қилиш кўп учрайди. Бу билан гўшт маҳсулотларининг мулойим ва тез тайёр бўлиши, ширинликлар ўзига ҳос ёқимли ҳидга эга бўлишини эътироф этадиганлар ҳам кўп. Бизнинг шариатимиз эса таомларимизга бундай зарарли маҳсулотларни қўшишдан қайтаради. Шунинг учун озуқаларимизга ҳалол бўлмаган маҳсулотларни қўшишни истамаймиз. Спиртли маҳсулотларни қуйидаги маҳсулотлар билан алмаштириб ҳам рецептда назарда тутилган натижага эришиш мумкин:

Пиво

Товуқ гўшти, мол гўшти ёки қўзиқоринли қайнатма (бульон).

Портвейн

Лимон қобиғи(цедра) қўшилган қора узум шарбати; апельсин шарбати.

Қизил вино

Қора узум шарбати; қизил узум сиркаси.

Оқ вино кукуни

Оқ узум сиркаси қўшилган оқ узум шарбати.

Нордон оқ вино

Шакар қўшилган оқ узум шарбати.

Шампан виноси

Ивитилган занжабил суви; оқ узум шарбати.

Қаҳвали ликер

Қаҳва; қаҳва экстракти(50 гр қаҳва 100мл шакарли қиёмда қайнатилади);

Амаретто

Бодом экстракти.

Бурбон

Ваниль экстракти; апельсин ёки ананас шарбати; шафтолилик қиём(сироп).

Олчали ликер

Олча билан тайёрланган қиём (сироп)

Коньяк

Шафтоли,ўрик ёки нок шарбати.

Ялпизли ликер

Озроқ сув билан аралаштирилган ялпиз экстракти.

Ром

Бодом экстракти қўшиган узум ёки олма шарбати.

Шерри

Ваниль экстракти; апельсин ёки ананас шарбати; шафтоли қўшилган сироп.

Ароқ

Лимон шарбати қўшилган узум ёки олма шарбати.

Ҳалол маҳсулотлар ва меҳр билан таом тайёрланг! Ибодатларга қувват бўлсин!

kulinarnyerecepty.ru asosida tayyorlandi