Дунё янгиликлари

БААда аёл-қизлар ўртасида IV xалқаро Қуръони карим мусобақаси бўлади

Чоп этилди Noyabr 1, 2019 БААда аёл-қизлар ўртасида IV xалқаро Қуръони карим мусобақаси бўладиda fikr bildirishni o'chirish

Iqna.ir сайтининг маълумотига кўра, шу йилнинг  2-9 ноябрь кунлари Бирлашган Амирликларининг Дубай шаҳрида аёл-қизлар ўртасида “Шайха Фотима бинти Муборак”  номли IV халқаро Қуръони карим мусобақаси ўтказилади.

Мусобақада 65 давлатдан қория аёл-қизлар иштирок этади.  Мусобақа шартларининг энг муҳимлари, иштирокчининг йигирма беш ёшга тўлмаган ва Қуръони каримни тажвид қоидаси билан тўлиқ ёд олган бўлишидир.

Дубай ҳукуматининг маданият ва ижтимоий  масалалар бўйича маслаҳатчиси Иброҳим Муҳаммад Бумалханинг айтишига кўра, мусобақа қатнашчиларининг маҳоратларини Саудия Арабистони, БАА, Баҳрайн, Миср, Ироқ ва Сенегалнинг таниқли халқаро  ҳакамлари баҳолайдилар.  Мусобақада биринчи ўрин соҳибаси 250.000 дирҳам, иккинчи ўринни эгаллаган иштирокчи қория 200.000 дирҳам, учинчи ўринни олган иштирокчи қория  эса 150.000 дирҳам мукофот пулига сазовор бўлади.

                                                                   Халқаро алоқалар бўлими