Германияда имомлардан немисчани яхши билиш талаб этилади
Энди имомлар немис тилидан имтиҳон топширадилар. Германияга ишлашга, хусусан, диний ташкилотларда фаолият юритишга келган шахслар немис тилини етарлича билишини исботлашлари керак. Федарал ҳукумат яқинда муҳожирларнинг меҳнат фаолияти тўғрисидаги ҳужжатга шундай ўзгартиш киритди.
Қарор бир йил ичида кучга киради. Чунки дин нозик соҳа бўлгани боис бу борадаги ҳужжат лойиҳаси ўта эҳтиёткорлик билан амалга жорий этишни талаб қилади.
Ҳозирги кунда Германиядаги масжидларнинг 80, 90 фоиз имомлари муҳожирлардан иборатдир. Янги талаб фақат мусулмонлар учун эмас, бошқа дин вакилларига ҳам амал қилади.