Мақолалар

Ёлғон сўзлаш

Чоп этилди Noyabr 15, 2019 Ёлғон сўзлашda fikr bildirishni o'chirish

Расулуллоҳ (соллаллоҳу алайҳи ва саллам) ёлғон сўзлашдан қайтардилар. Ёлғон сўз айтиш – Аллоҳга туҳмат қилишдир. Ёлғон имон билан ёнма-ён юради. Чунки киши “шундай бўлди”, деса-ю, аслида ундай бўлмаган бўлса, демак, у “Аллоҳ таоло бу ишни жорий қилди” деб даъво қилган бўлади. Зеро, Усиз ҳеч нарса содир бўлмайди. Агар “содир бўлди” деса-ю, аммо  Аллоҳ таоло буни жорий қилмаган бўлса, Аллоҳга ёлғон тўқиган бўлади. Агар бўлиб ўтган нарсага “содир бўлмади” деса, Аллоҳ жорий қилиб қўйган нарсани инкор қилган бўлади. Аллоҳ айтади: “Ёлғон сўзларни фақат Аллоҳ оятларига имон келтирмайдиганларгина тўқийди­лар” (Наҳл, 105).

Агар ёлғон гапиришга рухсат берилганда эди, бирор хабар келиб қолса, кўнгил ишонч-хотиржамлик туймас эди. Яъни, сўзловчи гапираверар, қалб эса унинг гапидан қониқиш ҳосил қилмас эди. Чунки гап­лар ростми ёки ёлғон – билинмасди. Чунончи, ёлғон ҳаром қилиниб, тўғри сўз юзага чиққанда, кўнгилларда одамларнинг гапларига ишонч ва қониқиш пайдо бўлади. Ёлғони фош бўлган одамнинг шармандаси чиқади, пардасига путур етади, юзи қаро, ўзи мазаммат бўлади. Ёлғондан эҳтиёткор бўлиш лозим, қалблар эса хабар берувчиларнинг (тўғри) хабарларига ишонч ҳосил қилиши керак.

 

 

 

Абу Абдуллоҳ Ҳаким ТЕРМИЗИЙнинг

“Орифлар тасаллиси” сайланмасидан

Асар “Мовароуннаҳр” нашриётида чоп этилган.

Нашриётдан харид нархи 30000 сўм