Жуда мазали таом – болгарча пиширилган қўй гўшти
Зарур масаллиқлар: (6 кишилик): 1 кг. қўй гўшти (ёғли бўлсин), 3 бош пиёз, 3 ош қошиқ ўсимлик ёғи, 2 ош қошиқ ун, 1 ош қошиқ томат пастаси, 2 бўлак саримсоқ пиёз, қора мурч, лавр япроғи, кўк пиёз, петрушка, майдаланган қизил мурч, туз.
Тайёрланиши:
- Қўй гўштини ўртача катталикда бўлаклаб, қиздирилган ўсимлик ёғида қовуринг.
- Пиёзни майда тўртбурчак шаклида тўғраб, қовурилаётган гўштга қўшинг. Туз сепиб, яна 5 дақиқа қовуришда давом этинг.
- Қовурмага ун солиб, аралаштиринг. Майдаланган қизил мурч сепинг. Кейин гўшт ботадиган миқдорда қайноқ сув солинг. Лавр япроғи солиб, 1 соатча паст оловда димланг. Гўшт майин ва юмшоқ пишиши керак.
- Қора мурч доналари, томат, майдалаб тўғралган кўк пиёз ва саримсоқ пиёзни солиб, яна 15 дақиқа димланг. Кўкатлар билан безаб, дастурхонга тортинг.
Тайёрланиш вақти: 2 соат