Хом гапга пишиқ жавоб: Мамлакат ишлари қалам ростлиги билан тузалади…
Бир куни амир ва вазир ўртасида ўзи амали афзаллиги хусусида мунозара бўлиб қолди. Амир айтди:
– Мен ўткир тиғ эгасиман ва сен заиф қалам соҳиби. Мамлакат қуввати шамширдандир, қаламдан эмас.
Вазир деди:
– Мамлакат ишлари қалам ростлиги билан тузалади, шамшир билан эмас.
Бу можаро султон қулоғига етди ва иккисини ҳузурига чорлади. Вазирга айтди:
– Қалам аҳли ҳамиша шамширдорларга хизматкор эдилар, сен аҳли қаламни нега аъло билурсан?
Вазир жавоб берди:
– Эй шаҳриёри олам, шамшир душманларга қарши иш беради, дўстлар борасида эмас. Қалам ҳам дўстлар фойдаси сабаби, ҳам душманларни даф қилиш боисидир.