Жаноза намозига кеч қолганнинг ҳукми
Масбуқ (намозга кеч қолган) киши қулоқ қоқмасдан, имом такбир айтишини кутади, у такбир айтганда бу ҳам такбир айтади. Бу унинг биринчи такбири ҳисобланади. Чунки жаноза намозидаги тўрт такбир тўрт ракатнинг ўрнигадир. Қанча такбир қолдирган бўлса, саломдан кейин шуларни етказиб қўяди. Агар маййит кўтариб кетилишидан қўрқса, такбирларни айтиб, жаноза дуосини ва бошқа зикрларни ўқимай, намозини тамомлайди. Агар маййитни одамлар елкаларига кўтарган бўлсалар, намозини шу жойида тугатади. Чунки маййит йўқ бўлса, жаноза намози ботил бўлади. Агар масбуқ етиб келганда имом тўртинчи такбирни айтиб тугатган бўлса, жаноза намозидан кеч қолибди[1].
[1] Ваҳба Зуҳайлий. «Ал-Фиқҳул-исламий ва адиллатуҳу». Дамашқ: «Дорул-фикр». 1980, 2-жуз. 498-бет.
Пўлатхон КАТТАЕВнинг
“Исломда жаноза” китобидан