Дунё янгиликлари

АҚШ президентлигига демократлардан номзод кўрсатиш жараёни қизғин паллага кирди

Чоп этилди Mart 6, 2020 АҚШ президентлигига демократлардан номзод кўрсатиш жараёни қизғин паллага кирдиda fikr bildirishni o'chirish

Элизабет Уоррен ҳам пойгадан чиқди, энди кураш Сандерс ва Байден ўртасида кечади.
АҚШ президентлигига демократлардан номзод кўрсатиш жараёни қизғин паллага кирди. Куни кеча бўлиб ўтган суперсешанба праймеризи натижаларидан кейин миллиардер Майкл Блумберг ҳам пойгани тарк этганини эълон қилган эди.
Энди эса яна бир демократ Элизабет Уорреннинг ҳам курашни давом эттира олмаслиги ойдинлашди.
Ўтган сешанба куни 14 та штатда бўлиб ўтган праймериз натижалари Уорреннинг сабр косасини тўлдирди. Чунки у бирорта штатда ҳам ғалаба қила олмади, ўзининг Массачусетс штатида эса атиги учинчи ўрин билан кифояланди. Байден 10 та штатда ғалаба қилиб, пойганинг олдинги сафига чиқиб олди, Сандерс эса тўртта штатда ғолиб бўлган.
Энди пойгада демократлардан президентликка номзод кўрсатиш учун кураш асосан сенатор Берни Сандерс ва собиқ вице-президент Жо Байден ўртасида кечадиган бўлди.