Пазандалик

Баҳор шўрваси

Чоп этилди Mart 9, 2020 Баҳор шўрвасиda fikr bildirishni o'chirish

Зарур масаллиқлар:

700 грамм мол гўшти, 300 грамм картошка, 1 дона сабзи, 2 дона пиёз, 4 дона қайнатилган тухум, 400 грамм шавель, ўсимлик ёғи,  сметана, кўкатлар, таъбга кўра туз ва мурч.

Тайёрланиши:

гўшт яхшилаб ювилиб, қозонга сув солиб қайнатилади. Сўнг кўпиги олиб ташланиб, 1 соат давомида қайнатилади. Гўшт суяклардан ажратиб майдаланиб солинади. Гўшт пишгач, тўртбурчак шаклда кесилган картошка солинади.
Бу вақт ичида сабзи тозаланиб, сомонча шаклида (бундай тўғраш шўрванинг кўринишини чиройли қилади, қирғичдан чиқариш ҳам мумкин) ва пиёз майин қилиб тўғралади. Товага ёғ солиб қиздирилади ва пиёз тилла рангга киргунча қовурилади. Сўнг сабзи солинади.
Картошка пишгач, қовурилган маҳсулотлар солинади. Кейин майдаланган шавель солиб, қайнашда давом эттирилади. Қачонки шавель пишгач, таъбга кўра туз ва мурч солиб, олови ўчирилади. Шўрва сузилгандан сўнг қайнатилган тухум, ошкўклар ва сметана солиб, дастурхонга тортилади.