Ўзбекистон янгиликлари

Аёл-қизлар учун диний-маърифий телеграм канал ишга тушди

Чоп этилди May 22, 2019 Аёл-қизлар учун диний-маърифий телеграм канал ишга тушдиda fikr bildirishni o'chirish

Ўзбекистон мусулмонлари идораси ташаббуси билан muslim.uz сайти таркибида аёллар учун расмий диний-маърифий телеграм канал иш бошлади. Унда аёл-қизларга оид шаръий масалалар, солиҳа аёллар ҳаёти, оилавий муносабатлар, фарзанд тарбияси тўғрисидаги мақолалар ҳамда турмушда керакли бўлган масалаларга психолог тавсиялари бериб борилади.

Қуръони каримнинг дастлабки сураларидан бирининг “Нисо” – “Аёллар” деб номланиши Ислом динида аёл ҳақ-ҳуқуқларининг эътибори юқори эканига далил.
Аёл киши маънан соғлом бўлса, жамият мустаҳкам бўлади. Чунки фарзандлар оналар сабабидан дунёга келади ва бошланғич таълим-тарбияни ҳам оналардан олади. Шундай экан, келажак авлоднинг баркамол бўлиши аёлларнинг қанчалик маърифатли бўлишига ҳар жиҳатдан боғлиқ.

Аллома Абдулҳамид ибн Бодиснинг “Агар ўғил болага таълим берсанг, бир шахсга таълим берган бўласан. Агар қиз болага таълим берсанг, бутун умматга таълим берган бўласан”, деган ҳикматида жуда катта маъно мужассамдир.

Янги телеграм канал ишига Аллоҳ таолодан муваффақиятлар тилаймиз.

@muminauz

Ўзбекистон мусулмонлари идораси Матбуот хизмати