• Рукни: Ўгит

Қалмиқ халқ мақолларидан

 

Қалмиқлар – Россия Федерациясидаги халқ, Қалмиғистоннинг асосий аҳолиси (156 минг кишидан зиёд); Россияда жами 174 минг киши (2002) қалмиқ тилида сўзлашади.

 

Дарё қанча чуқур бўлса-да, туби бор, тоғ қанча юксак бўлса-да, чўққиси бор.

Ерга йиқилган ерга таяниб туради.

Кетаётганни уйни иситиб ҳам олиб қолол­майсан.

Шам ўчмасидан олдин алангалайди.

Хасис қиз шоҳнинг тўйидан нолибди.

Аввал чанқоғини қондир, сўнг нимага келганини сўра.

Тоғ отни қийнайди, адоват – одамни.

Туҳматда ҳақиқат йўқ, ёлғонда яхшилик йўқ.

Ёмон дўстдан ҳам баттар душман йўқ.

Уммонда кир бўлмайди.

Тушунмаган одамга гапириш ҳўкизнинг шохига дон сочиш билан баробар.

Нодондан сўрама, ўзи айтади.

Нодон еган-ичганини гапиради, доно – кўрган-эшитганини.

Калла бўш бўлса, оёқ оғирлашади.

Нодонга яхшилик қилсанг – тушунмайди, донога зулм қилсанг – унутмайди.

Ўлимдан бошқа ҳар ишнинг тез битгани яхши.

Тафаккур кўрлиги кўз кўрлигидан ёмон.