* * *

Расули акрам марҳамат қиладилар:

“Аллоҳ бир кимсага беш нарсани бердими, унга деб яна беш нарсани тайёрлаб қўйган бўлади:

• бир кишига шукр қилишни насиб этган бўлса, унга (неъматининг) янада зиёдасини ҳам тайёрлаган бўлади;

• дуо қилишни насиб этганми, демак, дуосининг қабулини тайёрлаб қўйибди;

• истиғфор айтишни берган бўлса, мағфиратини ҳам тайёрлаган бўлади;

• тавбани берибдими, қабулини ҳам тайёрлабди;

• садақа беришни насиб этган бўлса, қабул этилишини ҳам ҳозирлаб қўйган”.

 

* * *

 

Олимларнинг кўпчилиги айтади:

“Тафаккур беш хилдир ва булардан беш нарса юзага келади:

• Аллоҳнинг оятларини тафаккур қилиш – бундан тавҳид ва собит имон юзага келади;

• Аллоҳ бахш этган неъматларни тафаккур қилиш – бундан муҳаббат (илоҳий ишқ) юзага келади;

• Аллоҳнинг ваъдасини тафаккур қилиш – бундан рағбат пайдо бўлади;

• Аллоҳнинг қайтариғини (илоҳий таҳдидни) тафаккур қилиш – бундан ҳайбат (Аллоҳдан қўрқув) пайдо бўлади;

• Аллоҳнинг шунча фазлу эҳсонига қарамай, бандаликни адо этишдаги камчиликларини тафаккур қилиш – бундан ҳаё юзага келади”.