Китоб ҳақида

Мазкур китобда жиззахлик машҳур фақиҳ Муҳаммад ибн Маҳмуд ибн Ҳусайн Уструшанийнинг ибратли ҳаёти, яшаган даври, қолдирган илмий мероси, устоз ва шогирдлари хусусида сўз боради. Шунингдек, ушбу фақиҳ қаламига мансуб ёш болаларнинг ҳақ-ҳуқуқларига бағишлаб ёзилган биринчи тизимли ҳуқуқий асар — «Жомиъ аҳком ас-сиғор»дан танлаб олинган 370 дан ортиқ сайланма фатволар ўрин олган. Бундан ташқари, вояга етмаган болаларнинг ҳақ-ҳуқуқ ва тарбияси билан боғлиқ кўплаб фойдали маслаҳатлар, Жиззах воҳаси (қадимий Уструшана минтақаси)да мавжуд бўлган шаҳар ва қишлоқлар тўғрисидаги қимматли маълумотларга ҳам эга бўласиз. Мазкур асар кенг китобхонлар оммасига мўлжалланган.