Хом гапга пишиқ жавоб: Аҳволлар ўзгарган, холос
Лайснинг ўғли Яъқуб камбағалгина одам экан. Салтанат тахтига ўтирганидан кейин сажистонлик бир бойнинг мол-мулкини тортиб олиб, ўзини бир бурда нонга зор қилиб қўйибди. Бир куни ўша одам Яъқубнинг ҳузурига келибди. Яъқуб ундан:
– Бугун аҳволинг нечук? – деб сўраса, ҳалиги одам:
– Кеча сенинг аҳволинг қандай бўлса, бугун менинг аҳволим шундай, – дебди.
– Кеча менинг аҳволим қандай эди? – деса сажистонлик киши:
– Кеча сенинг аҳволинг менинг бугунги аҳволимга ўхшар эди! – дебди.