Хом гапга пишиқ жавоб: Ҳамма айб мол эгасидамасдир
Тунда бир одамнинг сигирини ўғирлаб кетишибди. Эрталаб бундан хабар топган одамлар унга: “Сигирни маҳкам боғлаш керак эди”, “Айб ўзингизда”, “Деворларингиз ҳам паст”, “Дарвозани яхши бекитиш керак-да”, “Шунақаям ғафлат босиб ухлайдими одам деган!” деяверишибди.
Шунда жиғибийрон бўлган мол эгаси:
– Ўғрига ҳам озгина айб қолдиринглар, биродарлар, – дебди.