Индонезия ҳукумати оммавий тартибсизликка қарши қарор чиқарди
Индонезия ҳукумати Папуа ва Ғарбий Папуа провинцияларида ҳар қандай норозилик намойишларини ўтказишни ва тартибсизликларга ҳамда ижтимоий объектларга зарар етишига сабаб бўлувчи ҳар қандай фикрни оммавий тарзда айтишни тақиқлади.
“РГ” хабарида айтилишича, бу ҳудудларда икки ҳафта олдин оммавий тартибсизликни келтириб чиқарган намойишлардан сўнг шундай қарор чиқарилган. Ўша пайтда намойишчилар маъмурий биноларни вайрон қилиб, дўкон ва меҳмонхоналарга ўт қўйган, олти киши, жумладан, бир нафар ҳарбий ҳалок бўлган.