Хом гапга пишиқ жавоб: Гуноҳни афв этиш даражаси
Акобирлардан бири халифа Мансур қошида бир гуноҳкорнинг афв этилишини тилади.
Халифа:
– У одам катта гуноҳ қилган эди, – деди.
Ул азиз:
– Албатта, мен унинг шундай катта гуноҳ қилгани учун кечиришни илтимос қиламан, кичик гуноҳни кечириш учун шафоатга ҳожат йўқ, – деб жавоб қилди.
Халифага бу сўз хуш келди. Шафоатини қабул қилди.