Россияда Мусулмон шифокорлар иттифоқи тузилди
Россияда илк бор Мусулмон шифокорлар ва тиббиёт ходимлари иттифоқи ташкил этилди. Иттифоқ президенти Рамиль Хисамовнинг «Татар-информ» нашрига маълум қилишича, янги тузилмага тиббий маълумотга эга мусулмонлар аъзо бўлиши мумкин.
– Иттифоқимиз жамиятдаги талабдан келиб чиққан ҳолда, Ислом қоидаларига жавоб берувчи ҳалол тиббий хизматлар кўрсатиш мақсадида ташкил этилди. Биз суннатга мувофиқ қандай овқатланиш, ухлаш, яшаш кераклигини ўргатамиз, – деди Хисамов.
Қайд этилишича, нафақат олий ва ўрта тиббий маълумотга эгалар, балки тиббиёт ўқув даргоҳининг талабалари ҳам иттифоққа қўшилиши мумкин. Асосий шарт – мусулмон бўлиш.
islam-today.ru