Ҳаммамиз мусофирмиз
Бир йигит ҳаёт маъносини англаш учун дунё кезишни мақсад қилди. Сафар асносида бир донишманд зиёратида бўлди. Донишманднинг уйи китобларга тўла эди. Бор-йўқ жиҳоз гилам, курси ва тўшакдан иборат эди. Йигит ҳайратланиб сўради:
– Нега уйингизда ҳеч вақо йўқ?
Саволига савол қайтди:
– Сенинг ҳам, чироғим, кийимингдан бўлак ҳеч нарсанг йўқ экан. Нега?
– Ахир, мен мусофирман, кўриб турибсиз-ку!
Донишманд кулди:
– Мен ҳам худди сен каби мусофирман.
Башорат ТЎХТАСИН қизи тайёрлади.
“Ислом нури” газетасининг 2019 йил, 17-сонидан