Гўзал тарбия меваси
Шифокор ташқарига чиқиши билан уч ўғил унга савол назари билан тикилди.
– Хавотирга ўрин йўқ. Бир ҳафталик муолажадан кейин беморнинг соғлиғи анча яхши… Аммо бир нарсага тушунмаяпман. Нега ҳар куни барчангиз бирга келасизлар? Ахир, бошқа ишинглар йўқми? Навбат билан келиб онангизга қарасангиз яхшимасми?!
Укалар аста акага боқишди. Ака бошини кўтармай изоҳ берди:
– Сиз ҳақсиз, доктор. Аммо онамиз қайси биримизнинг исмимизни айтиб йўқлашини билмаймиз-да… .
Абдумутал АБДУЛЛАЕВ
“Ҳидоят” журналининг 2019 йил, 8-сонидан