Чинакам бахт истасангиз…
Аёлнинг бир оғиз ширин сўзи ўртада шаръий садоқат бино қилади, гиналарни кетказади.
Шундай экан, эй аёллар, бахтсизман деманг. Сизнинг саодатингиз:
– Қуръонни тадаббур билан ўқишингиз, унга амал қилишингиз, истиғфор айтишингизда;
– фарзандларингизни тарбиялаб, суннатни таълим беришингизда;
– Аллоҳ таоло буюрганидек авратларингизни бегона назарлардан сақлашингизда;
– Худодан қўрқадиган, тақволи аёллар билан дўст тутинишингизда;
– ота-онага яхшилик, қўшниларни ҳурмат, етимларга шафқат қилишингизда;
– кунларингизни фойдаси йўқ ишлар, жанжал билан ўтказмаслигингизда;
– дунёга муккангиздан кетмаслигингизда;
– айбларингизни унутмаслигингиз, ўзгалар хатосини яширишингизда;
– нафсингизга истаган нарсасини беравермаслигингизда;
– бекорчилар билан соатларингизни ўйин-кулгига совурмаслигингизда;
– жисмингиз, уйингиз тозалигига, тартибига эътиборсиз бўлмаслигингизда;
– сизга етган мусибат, бало-офатни ҳар кимга айтавермаслигингизда;
– ғафлатда қолмаслигингизда;
– мол-дунёни ҳаром ишларга сарфлаб, исроф қилмаслигингиздадир.
Бу амалларни бажарсангиз, Аллоҳ сиз билан бирга бўлади. Фаришталар сиз учун истиғфор айтади. Сизни фақат жаннат кутади.
Асл саодат шу эмасми?
Заҳириддин МАНСУР тайёрлади.
“Мўминалар” журналининг 2019 йил, 3-сонидан