Ўн иккинчи васият
عن إسماعيل بن رافع المدني عن ثعلبة بن صالح عن سليمان بن موسى عن معاذ بن جبل رضي الله عنه قال: أخذ بيدي رسول الله صلى الله عليه وسلم فمشى ميلا ثم قال: “يا معاذ، أوصيك بتقوى الله وصدق الحديث ووفاء العهد وأداء الأمانة وترك الخيانة ورحمة اليتيم وحفظ الجوار وكظم الغيظ ولين الكلام وبذل السلام ولزوم الإمام والتفقه في القرآن وحب الآخرة والجزع من الحساب وقصر الأمل وحسن العمل وأنهاك أن تشتم مسلما أو تصدق كاذبا أو تكذب صادقا أو تعصي إماما عادلا وأن تفسد في الأرض يا معاذ، اذكر الله عند كل شجر وحجر وأحدث لكل ذنب توبة السر بالسر والعلانية بالعلانية”. (رواه البيهقي في كتابه “الزهد الكبير”).
Исмоил ибн Рофеъ Маданий Саълаба ибн Солиҳдан, у Сулаймон ибн Мусодан, у эса Муоз ибн Жабал (розияллоҳу анҳу)дан ривоят қилади: «Расулуллоҳ (соллаллоҳу алайҳи ва саллам) қўлимдан тутиб бир оз юрдилар, кейин: “Эй Муоз, сенга Аллоҳга тақво қилишни, рост сўзлашни, аҳдга вафо қилишни, омонатни адо этишни, хиёнатдан сақланишни, етимга раҳм-шафқат қилишни, қўшни ҳақларини адо этишни, ғазабни ютишни, мулойим сўзлашни, салом беришни, раҳбар (имом)дан айрилмасликни, Қуръони каримни яхши тушунишга интилишни, охиратни севишни, ҳисобдан қўрқишни, узун орзудан сақланишни, чиройли амал қилишни васият қиламан. Сени бирор мусулмонни ҳақорат қилишдан, ёлғонни рост дейишдан, ростгўйни ёлғончига чиқаришдан, адолатли раҳбарга итоатсизлик этишдан, ер юзида бузғунчилик қилишдан қайтараман. Эй Муоз, ҳар бир тошу дарахт олдидан ўтсанг ҳам, Аллоҳни зикр қил! Ҳар бир яширин гуноҳ учун яширин, ошкора гуноҳ учун ошкора тавба қил!” дедилар» (Имом Байҳақий “Аз–зуҳдул кабир” китобида ривоят қилган).

Усмонхон АЛИМОВнинг
“Расулуллоҳ (соллаллоҳу алайҳи ва саллам)нинг муборак васиятлари” китобидан (2-жилд)
Асар “Мовароуннаҳр” нашриётида чоп этилган.
Нашриётдан харид нархи 30000 сўм