Олмали парҳез
Олмали парҳез организмни тозаловчи ва ортиқча вазндан халос этувчи энг кенг тарқалган парҳезлар сирасига киради. Чунки олма ёрдамида озиш жуда самарали. Сиз бу парҳез билан 7 кун ичида 7 кг. гача вазндан халос бўлишингиз мумкин. Лекин, бундай натижага эришиш учун кучли ирода талаб этилади.
7 кунлик парҳез
Биринчи кун: 1 кг олма.
Иккинчи кун: 1,5 кг.
Учинчи кун: 2 кг.
Тўртинчи кун: 2 кг.
Бешинчи кун: 1,5 кг.
Олтинчи кун: 1,5 кг.
Еттинчи кун: 1 кг.
Ушбу парҳез давомида сиз исталган миқдорда кўк чой ва газланмаган сув ичишингиз мумкин. Бундан ташқари, бу парҳез қайси рангдаги, ҳамда ширин ёки нордон олма ёйиш билан чекланмаган. Сиз ўзингизга ёққан навдаги ва рангдаги олмани тановул қилиш хуқуқига эгасиз. Яна бир нарса: парҳезнинг бешинчи кунидан бошлаб кундалик таомномангизга 1-2 бурда қора нон киритишингиз мумкин.
Олмали парҳез айрим сурункали касалликлар билан хасталанган беъморларга зарар кўрсатиши мумкин.
– Ўн икки бармоқли ичак яраси бор беморларга нордон олма ейиш мумкин эмас!
– Ошқозон ярасидан азият чекадиганларга ширин олма ейиш мумкин эмас!
– Юрак ва қон томирлари касалликларида 1 кг олмага 100 гр шакар қўшиш лозим.
Олмали парҳезнинг ягона камчилиги шундан иборатки, баъзилар икки ҳафталаб фақат олма тановул қила олсалар, бошқалар биринчи кунданоқ ўзларини ёмон ҳис қила бошлайдилар. Ҳар бир организм ўзига алоҳида ёндашувни талаб қилади. Яъни, олма бир организмга яхши таъсир кўрсатса, бошқасида салбий оқибатларга олиб келиши мумкин. Шу сабабдан, бу парҳезни қўллашдан аввал албатта, ўз шифокорингиз билан маслаҳатлашинг!