Саратон ва бепуштликни келтириб чиқаради: машҳур косметика воситаси хавфли бўлиб чиқди
Америкалик олимлар маникюр салонида ишлаш соғлиқ учун зарарли деган хулосага келишди. Аниқланишича, тирноқ бўёғи ва уни йўқ қилиш воситаларида нафас олиш тизими ва репродуктив тизимларнинг ишини қийинлаштирадиган, шунингдек, саратон ривожланишига олиб келадиган моддалар мавжуд экан.
“Science Alert” нашри хабар беришича, Колорадо университети мутахассислари томонидан гўзаллик салонларида ўтказилган тадқиқот натижасида салон ичида бензол ва формалдегид миқдори соғлиқ учун етарли бўлган миқдордан ошиб кетганлиги аниқланган. Шу билан бирга, ишчиларнинг 70 фоизи нафас олиш йўллари ва кўзлари доимий равишда қичишиши билан бирга бош оғриғидан шикоят қилишган.
Тадқиқотчилар айтишича, бу моддаларнинг узоқ вақт танага таъсир қилиши саратон касаллигининг ривожланиш хавфини оширади. Қайд этилишича, бугунги кунда тирноқ салонлари ходимларининг соғлиғи нефт-кимё саноатида ишлайдиганларники билан бир хил экан.
aniq.uz