Аргентинада карантинга амал қилмагани учун мингга яқин автомобиль олиб қўйилди
Аргентина ҳукумати бир ҳафтада карантин тартибларига амал қилмаган мингга яқин фуқаронинг автомобилини олиб қўйди, деб хабар қилади мамлакат хавфсизлик вазирлиги.
“Мамлакатнинг турли ҳудудларида 206 минг 716 та автомобиль текшириб кўрилган“, — дейилади хабарда. 200 минг киши кўчада юриш учун зарур бўлган ҳужжатини кўрсата олмаган ва улар уйига қайтариб юборилган.
21 мартдан бошлаб, бутун мамлакатда амал қилаётган карантин тартибларини бузгани учун 6 минг 191 кишига нисбатан жиноий иш очилган.
Айни пайтда Аргентинада 502 киши коронавирусга чалинган, 8 киши пандемия қурбони бўлди.