Ҳазрати Абу Бакр Сиддиқ (розияллоҳу анҳу) айтадилар:
- Кимда қуйидаги тўрт хислат бўлса, у Аллоҳнинг энг яхши бандасидир: бошқаларнинг тавба қилганидан севиниш, гуноҳкорнинг кечирилишидан ҳурсанд бўлиш, ёмонларнинг ислоҳ бўлишларини сўраб дуо қилиш, яхшига ёрдам бериш.
- Тўрт нарсани ортга суринг: уйқуни қабрга, роҳатланишни сирот кўпригига, ўзни оқлашни торозу (ҳисоб-китоб куни)га ва орзу-истакларни жаннатга…
- Қандай гап гапирганингни, кимга гапирганингни, қачон гапиганингни ҳеч қачон унутма.
- Зулм, аҳдга вафосизлик ва хийла деб аталган уч ёмон хислат кимда бўлса, унинг зарари айланиб келиб, соҳибига тегади.
- Бир ҳаромни оғзимга олмаслик учун етмиш ҳалолни тарк этдим.
- Маслаҳат сўраган кишингдан ҳеч нарсани сир сақлама. Чунки кейин бошингга бир бало келса, ўзингга ўзинг бундай дема: “Ё Раб! Мени инсонлар назарида буюк, Ўзингнинг назарингда кичик қилма!”
- Тўғрилик омонатдорлик, ёлғончилик эса хиёнатдир.
- Кўп ёлғон ва ҳасаддан қалб қаттиқлашади.
- Ўзингга қабр эмас, қабрга ўзингни ҳозирла!
- Қариндошлар орасидаги думшанлик ўрмонга тушган олов кабидир.
- Сабр қилинг. Ҳар нарсанинг боши сабрдир.
- Чиройли амал қилсам, қўллаб-қувватланг! Хато қилсам қаршилик қилинг.
- Китоблар ақлли кишиларнинг боғчалари, фазилатли кишиларнинг хушбўй гулзорларидир.
- Қабрга ҳозирликсиз кириш, кемасиз денгизга чиқишдек гап.
- Оқил инсон кечиришни қарз, яхшилик қилишни фарз деб қабул қилади.
- Ҳаромни тарк этиш, ҳалолни талаб этишдан кўра яхшироқ.
- Агар мен Аллоҳга ва Унинг Расулига қарши иш қилсам, менга итоат этманг!
- Феълинг ислоҳ қил, инсонлар сени ҳурмат қилади.
- Режаларингни ошкор этма, унда ишларинг амалга ошмайди.
Имрон ЯҚУБОВ тайёрлади.
“Ислом нури” газетасининг 2019 йил, 4-сонидан