Дунё янгиликлари

Эстония далаларида тонналаб қулупнай чириб кетди. Сабаби…

Чоп этилди Iyul 10, 2020 Эстония далаларида тонналаб қулупнай чириб кетди. Сабаби…da fikr bildirishni o'chirish

Эстонияда ўнлаб тонна қулупнай карантиндаги чекловлар боис қулупнай терадиган ҳеч ким йўқлиги сабабли далаларда чириб кетди.

 Бу ҳақда Эстониянинг “Delfi” нашри ёзмоқда.

Эстония қулупнай ишлаб чиқарувчилар уюшмаси аъзоси Элке Лиллеметснинг сўзларига кўра, ҳукумат вакили улар билан аллақачон боғланган ва етказилган зарарни қоплаш мумкинлиги тўғрисида сўраган.

Тадбиркорлар эса мустақил маслаҳатчининг ёрдами билан зарар миқдорини ҳисоблаб чиқишни режалаштиришмоқда.

Аммо ҳозирнинг ўзидаёқ кўплаб тадбиркорлар банкротлик тўғрисида эълон қилишни ўйлашмоқда.

Молия вазири Мартин Хельме эса ҳукумат ҳамма нарсани тўғри бажарганини ва ўз вақтида ишчиларни иш жараёнига қайтармагани учун қулупнай ишлаб чиқарувчилардан узр сўрамаслигини маълум қилди.