Элчининг Ўзбекистонга зиёрат туризмини оммалаштиришдаги ҳиссаси эътироф этилди
Ўзбекистоннинг Покистондаги элчиси Фурқат Сиддиқовнинг Ўзбекистонга зиёрат туризмини оммалаштиришдаги ҳиссаси қайд этилди ва унга «Global Ambassador’s Award – 2019» мукофоти берилди. Бу ҳақда Ўзбекистон ТИВ матбуот хизмати хабар маълум қилади.
Мукофот элчининг Покистон – Ўзбекистон муносабатларини сезиларли равишда фаоллаштиргани, биринчи навбатда икки томонлама товар айланмасини 170 фоизга оширишга ҳисса қўшгани учун тақдим этилди. Шунингдек, элчининг Покистон учун янги туристик йўналиш – Ўзбекистонга зиёрат туризмининг оммалаштирилиш борасидаги тарғиботлари алоҳида эътироф этилди.
Ушбу тадбир «Diplomatic Insight Group» нашри, «Покистон тинчлик ва дипломати институти» ҳамда «Покистон-ШҲТ дўстлик форуми» ҳамкорлигида ташкил этилди.
Ўзбекистон мусулмонлари идораси Матбуот хизмати