Ер ҳақида мақоллар
Деҳқоннинг хазинаси – ер,
Калити – тер.
***
Ер бойлиги – эл бойлиги.
***
Ер деганинг олтин қозиқ,
Ғажиб есанг, тугамас.
***
Ер – дон, деҳқон – хазинабон.
***
Ер ичида олтин бор,
Қазий берсанг, топасан.
***
Ер очганнинг бахти очилар.
***
Ер-сув – битмас кон.
***
Ер текис – ҳосил текис.
***
Ер тўйдирар,
Ўт куйдирар.
***
Ер тўймагунча, эл тўймас.
***
Ер – хазина, сув – гавҳар.
***
Ер – хамир, ўғит – хамиртуруш.
***
Ер қудрати – деҳқон қуввати.
***
Ерга рош ярашар,
Қизга – қош.
***
Ерга тушган гул бўлар,
Ўтга тушган – кул.
***
Сен ерни ер қилсанг,
Ер сени шер қилар.
***
Ерга қарасанг, боғ бўлар,
Кўнгил очилиб, чоғ бўлар.
***
Ерни бузадиган ҳам сув,
Тузадиган ҳам сув.