Индонезияда Қуръони каримнинг минтақадаги энг кўҳна қўлёзмаси намойиш этилмоқда
Палембанг (Индонезия)даги Катта масжидда учта кутубхона билан ҳамкорликда Қуръони каримнинг Жануби-Шарқий Осиёдаги энг кўҳна қўлёзмаси намойиш этилмоқда, деб хабар берди «Antaranews».
Тадқиқотчи Кемас Анди Сиарифуддиннинг таъкидлашича, Палембанг Жануби-Шарқий Осиёда Қуръони карим илк бор чоп этилган шаҳар ҳисобланади. Маълумотларга кўра, Қуръон биринчи марта 1848 йилнинг 21 августида 105 нусхада чоп этилган.
«Ҳозир унинг икки нусхаси маълум: бири, хусусий коллекцияда; иккинчиси, музейда», дейди тадқиқотчи.
Эслатиб ўтамиз, Индонезияда 2019 йилнинг 21 апрелидан 28 апрелига қадар кутубхона ҳафталиги бўлиб ўтмоқда, Қуръони карим ва бошқа қўлёзмалар ушбу ҳафталик доирасида намойиш этилмоқда.