Хом гапга пишиқ жавоб. МАНА БУ РАҚАМЛАР БИЛАН БОҒЛАНИЛАДИ
Бир шайх минбарда хутба қилаётиб, «Биз ҳар куни Аллоҳга боғланиб туришимиз лозим», деган эди, ўша ердагилардан бири гўёки ҳазил қилгандек бўлиб: «Аллоҳга қайси рақам орқали боғланамиз?» деди. Шунда шайх: «Ёзиб ол: 2, 4, 4, 3, 4, 8, 3», деди. Одамлар шайхнинг жавобидан гангиб қолишди, шайх бу одамни мазах қилдимикин, деб ҳам ўйлашди. Лекин сўраган одам шайхнинг мақсадини англаб, йиғлай бошлади.
Билсак, у айтган рақамлар кундалик намозларнинг ракатлари экан.
2 – бомдод намозининг 2 ракат фарзи.
4 – пешин намозининг 4 ракат фарзи.
4 – аср намозининг 4 ракат фарзи.
3 – шом намозининг 3 ракат фарзи.
4 – хуфтон намозининг 4 ракат фарзи.
8 – таҳажжуд намозининг 8 ракъати.
3 – витр намозининг 3 ракати.