Хом гапга пишиқ жавоб
Франция ҳукуматининг юқори амалдорларидан бири катта бир йиғилишда Наполеон Бонапартга ташланиб қолди, бармоғини харита устида юргизиб:
– Нима учун олдин бу ерни олмадингиз, сўнгра у ердан ўтиб бориб манави жойни забт этмадингиз? – дея саволлар бера бошлади.
Наполеон унга жавобан:
– Агар ўша жойларни бармоқ билан босиб олиш мумкин бўлганида шундай қилган бўлардим, – деди.