Бугун АҚШда очиқ масжидлар куни
Америкалик мусулмонлар Рамазон ойида жамоатчилик билан турли тадбирлар ташкиллаштириш орқали ўзаро бир-бирини тушуниш ва яқин алоқалар ўрнатишга ҳаракат қилмоқдалар.
Бугун АҚШнинг 25 та штатининг 40 та жойида «Очиқ масжидлар куни» ўтказилмоқда. Бу ҳақда USA Today нашри хабар беради. Тадбирдан мақсад, инсонларни Рамазон ифтори билан сийлаш, шунингдек, улар билан юзма-юз учрашиб яқиндан танишиш, ўртадаги тушунмовчиликларни бартараф этишдан иборатдир.