Китоблар ҳадя қилинг
Давлатимиз раҳбари бошлаб берган хайрли ташаббус туфайли республикамиздаги мактаб кутубхоналари турли китоблар билан бойимоқда. Бундай китоблар орасида диний-маърифий адабиётлар ҳам борлиги кишини қувонтиради. Шубҳасиз, бу китоблар ўқувчилар тарбияси, хулқ-атвори учун энг зарурий манба бўлади, иншоаллоҳ. Зеро, муқаддас динимизни тўғри ўрганган ҳар бир ёш йигит-қиз руҳий баркамол, маънавий пок инсон бўлиб етишади.
Шу кунларда Ўзбекистон мусулмонлари идораси тизимида фаолият юритаётган имом-хатиблар ўзлари таълим олган мактабларига ташриф буюриб, шахсий кутубхоналаридан диний-маърифий адабиётларни туҳфа этишмоқда. Ҳозирга қадар имом-хатиблар томонидан 1032 та мактабга 12030 дона диний-маърифий мазмундаги китоблар ҳадя қилинди.
Ўзбекистон мусулмонлари идораси Масжидлар бўлими
“Ислом нури” газетасининг 2019 йил, 8-сонидан