Хом гапга пишиқ жавоб: “Сизникига келса бўларкан”
Бир дарвеш бировнинг эшигига бориб нон сўраган экан, бир қизча чиқиб:
– Нон йўқ, – дебди.
– Ўтинми ёки бошқа бирор ёқишга арзигулик нарса топиладими?
– Йўқ.
– Озгина туз-чи?
– Йўқ.
– Бир коса сув олиб чиқ, бўлмаса.
– Сув ҳам йўқ.
– Онанг қаерда?
– Қариндошимизникига таъзия билдиргани кетган.
– Аҳволларинг шу бўлса, қариндошларинг сизникига таъзия билдиргани келса бўларкан, – дебди дарвеш.