Меҳмон билан уйингга барака келар
Меҳмон – атойи Худо. У билан хонадонингга хурсандчилик, барака, тинчлик-хотиржамлик келади.
Озода-саришта жой, имкониятга қараб дастурхонга қўйилган нозу неъматлар, самимий муомала-мулозамат меҳмон кайфиятини, кўнглини кўтаради. Лекин булардан
ҳам олдин бир фазилатни қалбингга сингдир: меҳмонни дарвозангдан кириб келган лаҳзаларда хурсанд қил. Яъни, кутилганми ёки кутилмаганми – қандай бўлишидан қатъи назар, чеҳранг, сўзларинг, хатти-ҳаракатларингдан шодлигинг кўриниб, билиниб турсин. Акс ҳолда, меҳмон: “Келганим ёқмади, шекилли? Бевақт келдимми? Балки ҳозир кутишга имкони, шароити йўқдир?” каби хаёлларга бориши, хижолат чекиши мумкин.
Унутма: солган дастурхонинг тўкину тўкис, уй-жойларинг кўркам, аммо муомаланг, кайфиятинг, меҳр-оқибатинг “дастурхони” ғариб бўлса, келган одам тезроқ қайтиш
ҳаракатига тушиб, остонангни ҳатлаб бошқа келмаслиги мумкин…
ОҚИЛАБОНУ
“Мўминалар” журналининг 2019 йил, 2-сонидан