Масжиди Набавий ҳудуди кенгаяди
Саудия Арабистони ҳукумати Мадинаи мунавварадаги Пайғамбар соллаллоҳу алайҳи ва салламнинг масжиди ҳудудини кенгайтиришга буйруқ берди. Хабарларга кўра, дастлаб ибодатхонанинг ғарбий қисмидаги майдони кенгаяди. Saudi Gazette масжиднинг ғарбидаги бинолар “Ас-Салом” музейидан бошқа ҳаммаси бузила бошлади, дея хабар тарқатди. Бузиш ишлари икки ҳафта давом этади ва шу вақт ичида 8-, 15-дарвозалар ёпиб қўйилади. Бузилаётган ҳудуддаги савдо шохобчалари эгаларига эса муниципалитет янги ўринлар тақдим этади.