Қизил қушча ўз ҳақини олгач, қайтиб келмади
Саҳобалардан баъзилари бир қушнинг иккита полапонини олдилар ва қуш полапонларини излаб келди.
Абдуллоҳ ибн Масъуд (розияллоҳу анҳу)дан ривоят қилинади:
«Сафарда Расулуллоҳ (соллаллоҳу алайҳи ва саллам)га ҳамроҳ эдик. Бир дарахт олдидан ўтаётиб унда қизил қушчанинг икки полапонини кўриб қолдик ва қўлимизга олдик. Қушча Расулуллоҳ (соллаллоҳу алайҳи ва саллам) олдиларига келиб қанотларини қоқа бошлади. Шунда Расулуллоҳ (соллаллоҳу алайҳи ва саллам): “Ким бунга озор берди?” дедилар.
– Бизлар, – дедик.
– Уларни жойига қўйинглар, – дедилар. Биз жойига қўйдик ва у бошқа қайтиб келмади»[1].
[1] Ҳасан ҳадис. Имом Абу Довуд ва Имом Байҳақий ривояти.

Усмонхон АЛИМОВнинг
“Расулуллоҳ (соллаллоҳу алайҳи ва саллам) мўъжизалари” китобидан
Асар “Мовароуннаҳр” нашриётида чоп этилган.
Нашриётдан харид нархи 23000 сўм