Токио ва Нагоя кўчаларидаги LED-экранларда Ўзбекистоннинг туристик салоҳияти намойиш этилмоқда
Япониянинг Нагоя ва Токио шаҳарларидаги йирик LED-экранларда мамлакатимиз туристик салоҳиятини намойиш этувчи роликлар жойлаштирилди.
Бу ҳақда Ўзбекистон Республикаси Бош вазири ўринбосари Азиз Абдуҳакимов Фейсбукдаги саҳифасида маълум қилган.
Қайд этилишича, мамлакатимизнинг туристик салоҳияти Ўзбекистон Президенти Шавкат Мирзиёевнинг ташрифи давомида Нагояда асосий вокзал рўпарасида, Токиода эса Сибуя майдонидаги 4 та йирик экранда намойиш этиб турилади.