Яна бир ташкилот ходимлари хайрли акцияга қўшилди
Айни мураккаб вазиятда ўзбек халқига хос бўлган баҳамжиҳатлик ва саховатпешалик коронавирус инфекциясига қарши кураш доирасида ташкил этилган “Ўзбекистон меҳр-шафқат ва саломатлик” жамоат фондига келиб тушаётган беминнат маблағларда намоён бўлмоқда.
“Ёшлар-келажагимиз” жамғармаси ходимлари ҳам ўз иш ҳақларининг бир қисмини “Ўзбекистон меҳр-шафқат ва саломатлик” жамоат фондига беғараз ўтказиб бердилар.
Жамоат фондига тушган маблағлар коронавирус инфекцияси тарқалишининг олдини олиш ва уни қисқа фурсатларда бартараф этишга хизмат қилади.