Расулуллоҳ (соллаллоҳу алайҳи ва саллам)нинг Мадинада тарқалган касалликдан омонда эканлари
Ибн Исҳоқдан ривоят қилинади:
«Расулуллоҳ (соллаллоҳу алайҳи ва саллам) Мадинага келдилар. Мадина Аллоҳнинг ерлари ичида офат энг кўп тарқалган, вабо урчиган макон эди. Саҳобалар бу ерга келганларида вабо ва турли касалликлар етиб, қаттиқ қийналишди. Аллоҳ таоло Расулуллоҳ (соллаллоҳу алайҳи ва саллам)ни бу бало ва касалликлардан асради».

Усмонхон АЛИМОВнинг
“Расулуллоҳ (соллаллоҳу алайҳи ва саллам) мўъжизалари” китобидан
Асар “Мовароуннаҳр” нашриётида чоп этилган