Дуоларда ота-онамизни унутмайлик
Бир шайхнинг ҳузурига шогирдларидан бири келиб:
— Устоз, дуоларим қабул бўлмаяпти, нега шундай бўляпти экан? — деб сўради… Шайх:
— Ота-онанг борми? — деб сўради.
Шогирд:
— Ҳа бор, Аллоҳга шукр ота-онам тирик, ҳаёт…
Шайх кулиб:
— Мен сендан “Ота-онанг тирикми?” деб сўрамадим. “Қилаётган дуоларингда ота-онанг ҳам борми?” деб сўрадим, — деди.
Шогирд бошини эгиб:
— Йўқ, ота-онамни дуоларимда зикр қилмас эканман, — деди ва нима учун дуолари ижобат бўлмаётганини англаб, шайхнинг ҳузуридан бошини эгиб чиқиб кетди.