Кечки овқатга қайлали спагетти тайёрланг
Мазали спагеттини татиб кўриш учун қимматбаҳо италян ресторанига бориш шарт эмас. Уйда қолиб ҳам қойил қолса арзийдиган таом тайёрлаш мумкин.
Қуйидаги маҳсулотлар керак бўлади:
- Мол гўшти — 500 гр
- Ўсимлик ёғи — 2 ош қошиқ
- Пиёз — 1 дона
- Туз, мурч таъбга кўра
- Саримсоқ пиёз — 2-3 дона
- Ун — 1 ош қошиқ
- Томат пастаси — 1 ош қошиқ
- Сув — 960 мл
- Қаймоқ — 40 гр
- Спагетти хамири — 180 гр
- Сметана — 100 мл
- Кўкатлар таъбга кўра
Тайёрланиш жараёни:
- Гўштни сомонча шаклида тўғранг.
- Ўсимлик ёғи солинган товага пиёз солиб қовуринг, қизарганидан кейин гўштни солинг ва аралаштиринг.
- Туз, мурч майдаланган саримсоқ қўшинг.
- Ун, томат пастаси солиб сув ва қаймоқ қўшиб аралаштиринг.
- Аралашмага спагетти хамирини қўшинг.
- Това қопқоғини ёпиб 15 дақиқа қайнатинг.
- Таом иссиқлигида сметана қўшиб аралаштиринг.
- Спагеттини кўкатлар билан безаб дастурхонга тортинг.
Ёқимли иштаҳа!
Узум уз!