Расулуллоҳ мадҳ этилган оятлар
Пайғамбаримиз соллаллоҳу алайҳи ва саллам ҳақларида ҳар қанча гапирсак, ёзсак – кам. У зотнинг шахсиятлари, хулқлари, сифатлари, фазилатлари ҳақида ёзиб адоғига етиш мушкул. Шу боис Мавлуд ойларида Набиййи муҳтарам алайҳиссалом мадҳ этилган оятлар маъноларини ёдингизга солишни лозим топдик.
Меҳрибон ва раҳмли Аллоҳ номи билан бошлайман.
«Батаҳқиқ, Аллоҳ мўминларга ўзларидан Пайғамбар юбориб, неъмат берди. У уларга Аллоҳ оятларини тиловат қилиб берадир, уларни поклайдир, китоб ва ҳикматни ўргатур. Гарчи олдин очиқ-ойдин адашувда бўлсалар ҳам» (Оли Имрон сураси, 164-оят).
«Аллоҳ сизга Китоб ва Ҳикматни нозил қилди ва билмаганларингизни билдирди. Аллоҳнинг сизга (нисбатан) фазли буюкдир» (Нисо сураси, 113-оят).
«Ким Аллоҳга ва Расулга итоат қилса, бас, ана ўшалар Аллоҳ неъмат берган набийлар, сиддиқлар, шаҳидлар ва солиҳлар билан биргадир. Ва уларнинг рафиқлари қандай ҳам яхшидир» (Нисо сураси, 69–70-оятлар).
«Батаҳқиқ, сизларга ўзингиздан бўлган, сизларнинг машаққат чекишингиз унинг учун оғир бўлган, сизларнинг (саодатга эришишингизга) ташна, мўминларга марҳаматли, меҳрибон бўлган Пайғамбар келди» (Тавба сураси, 128-оят).
«Муҳаммад (соллаллоҳу алайҳи ва саллам) Аллоҳнинг расулидир» (Фатҳ сураси, 29-оят).
«У ўз пайғамбари (Муҳаммад)ни ҳидоят ва Ҳақ дин (Ислом) билан, у (дин)ни барча дин(лар)га ғолиб қилиши учун юборган зотдир. Аллоҳнинг Ўзи (бунга) етарли гувоҳдир» (Фатҳ сураси, 28-оят).
«Ботаётган юлдуз билан қасамки, сизнинг соҳибингиз (Муҳаммад соллаллоҳу алайҳи ва саллам) адашгани ҳам, йўлдан озгани ҳам йўқ. У ҳаводан нутқ қилмас. У (Қуръон) ваҳийдан ўзга нарса эмас. Унга (Муҳаммадга) шиддатли қувват эгаси таълим берди» (Нажм сураси, 1–5-оятлар).
«Эй Набий, Биз сизни гувоҳлик берувчи, хушхабарчи ва огоҳлантирувчи ва Ўз изни ила Аллоҳга даъват қилувчи ҳамда нурли чироқ қилиб юбордик» (Аҳзоб сураси, 45–46-оятлар).
«Сизни (эй Муҳаммад,) барча инсонларга башорат берувчи ва огоҳлантирувчи пайғамбар қилдик, лекин кўп одамлар буни билмайдилар» (Сабаъ сураси, 28-оят).
«(Эй Муҳаммад,) сабр қилинг, (ва парво қилманг) албатта, сиз Бизнинг ҳифзу ҳимоямиздадирсиз» (Тур сураси, 48-оят).
«Зикрингизни (исмингизни) ҳам баланд кўтариб қўйдик» (Шарҳ сураси, 4-оят).
«Ва, албатта, сиз буюк хулқ узрадирсиз» (Қалам сураси, 4-оят).
«Айтинг (эй Муҳаммад!): “Агар Аллоҳни севсангиз, менга эргашингиз. Шунда Аллоҳ сизларни севади ва гуноҳларингизни мағфират этади. Аллоҳ кечирувчи ва раҳмлидир”» (Оли Имрон сураси, 31-оят).
«Батаҳқиқ, сизлар учун, Аллоҳдан ва охират кунидан умидвор бўлганлар учун ва Аллоҳни кўп ёдга олувчилар учун Расулуллоҳда гўзал ўрнак бор эди» (Аҳзоб сураси, 21-оят).
«Албатта Аллоҳ ва Унинг фаришталари Набийга салавот айтурлар. Эй имон келтирганлар! Сиз ҳам унга салавот айтинг ва салом юборинг» (Аҳзоб сураси, 56-оят). .
Аллоҳумма солли ва саллим ва барик ъала Муҳаммадин ва ъала аалиҳи ва асҳаабиҳи ажмаъийн! .
Тўпловчи Олимжон ОБИДЖОНОВ
Қувасой шаҳар “Ислом” жоме масжиди имом ноиби
“Ҳидоят” журналининг 2020 йил 10-сонидан
