Қийма ва сабзавотли шўрва тайёрлаймиз
Таом таркибидаги яшил ловия, маккажўхори, саримсоқ ва бошқа витаминга бой маҳсулотлар бир-бири билан уйғунлашиб, такрорланмас таъмни ҳосил қилади.
Керакли маҳсулотлар:
- Сабзи − 1-2 дона;
- Пиёз − 1 дона;
- Ўсимлик ёғи − 2 ош қошиқ;
- Мол гўшти қиймаси − 450 грамм;
- Саримсоқ − 2 бўлак;
- Картошка − 2-3 дона;
- Помидор шарбати − 350-400 грамм;
- Помидор соуси − 150 грамм;
- Гўштли бульон − 1500-1700 мл;
- Консерваланган яшил ловия − 80-100 грамм;
- Консерваланган маккажўхори − 80-100 грамм;
- Кўкат, туз ва зираворлар.
Тайёрланиш жараёни:
- Сабзи ва кўкат майда тўғралади. Пиёз майдаланади.
- Қизиган ёғда тўғралган сабзавотлар қовурилади. Устидан қийма солиб, 4-5 дақиқа давомида пиширилади.
- Устидан майдаланган саримсоқ, туз ва зираворлар солинади.
- Картошка ҳам майда тўғралиб, помидор шарбати ва соуси қўшилади. Аралашма устидан бульон солиниб, 20-25 дақиқа давомида пиширилади.
- Қайнаб чиққан шўрвага маккажўхори ва ловия қўшилади. Яна 5-10 дақиқа қайнатилади.
- Бироздан сўнг таомни сузиб, дастурхонга тортиш мумкин.
Ёқимли иштаҳа!
Дарё.уз