Дунё янгиликлари

Канададаги масжид уйсизларга ўз эшикларини очди

Чоп этилди Fevral 19, 2021 Канададаги масжид уйсизларга ўз эшикларини очдиda fikr bildirishni o'chirish

Қиш уйсизлар учун оғир синов. Негаки совуқ об-ҳаво ташқарида кўпроқ хавф туғдиради, COVID-19 эса буни деярли имконсиз қилади. Шунинг учун Канададаги энг кекса масжид уйсизларни қабул қилиш учун ўз эшикларини очди. Ташаббус глобал пандемия авж олаётган бир пайтга тўғри келди, бу вақтда бошпанасиз одамлар ўлимнинг юқори хавфига дуч келишади, дея ёзмоқда Ўзбекистон мусулмонлари идораси матбуот хизмати.

Таъкидланишича, бу саъй-ҳаракатлар қишда фавқулодда ҳолатларга жавоб бериш дастури доирасида Эдмонтон муниципалитетлари иштирокида амалга оширилмоқда. 6 февралдан 13 февралгача масжид эшикларини очиш режалаштирилган бўлса-да, кейинчалик масжид вақтинчалик бошпанани 17 февраль, чоршанба кунигача чўзди.

“Биз масжидимиз ҳудудида яшовчи барча фуқароларни ёрдам олиш учун барча уйсиз одамларни муассасамизга юборишга чақирамиз”, – дейди масжид раҳбарияти.

Islam.ru маълумотларига кўра, 1938 йилда очилган “Ал-Рашид” масжиди Эдмонтон мусулмонлар жамоасида кўплаб ривожланиш бўйича ташаббуслари билан мамлакатдаги етакчи мусулмон хайрия ташкилотларидан бирига айланди. 2020 йилнинг январь ойида ҳам масжид уйсизларга ўз эшикларини очиб берган эди.