Европада саёҳат учун янги чекловлар ўрнатилмоқда
Португалия, Испания ва Германияда COVID-19 касаллиги яна кўпая бошлади. Шу боис, саёҳат билан билан боғлиқ айрим чекловлар ўрнатилди, дея хабар берди euronews.
Европа бўйлаб коронавируснинг юқумли Делта штамми тез тарқалмоқда. Вирус тарқалишини чеклаш мақсадида давлатлараро саёҳат қилиш тартиби назоратга олинади.
Португалияда эълон қилинган чекловга кўра, душанба кунидан бошлаб мамлакатга келган британияликлар икки ҳафта мажбурий карантинга олинади.
Янги қоидаларга кўра, Португалия ҳудудига ҳаво, қуруқлик ва денгиз йўли орқали саёҳат қилмоқчи бўлган ҳар бир киши тўлиқ эмлангани ёки изоляция қилиниши талаб этилади.
Эслатиб ўтамиз, Португалия “Делта штаммини СOVID-19нинг энг хавфли тури” деб эълон қилган Европа Иттифоқидаги биринчи давлат бўлди.
Испания ва Буюк Британия ҳам сайёҳларга янги чекловлар белгилади. Пайшанба кунидан бошлаб Британиядан орол орқали келган сайёҳлар коронавирусга қарши тўлиқ эмлангани тўғрисидаги ҳужжатни ёки салбий тест жавобини кўрсатиши керак.
Германия эса Португалия ва Россия фуқаролари учун сайёҳатни бутунлай тақиқлади. Фақат ўз фуқароларига 14 кунлик мажбурий карантиндан сўнг мамлакатга кириш ҳуқуқи берилади.
Германия соғлиқни сақлаш вазирлиги Делта штамми Европага тарқалиши сабабли Германия эмлаш дастурини тезлаштириши кераклигини айтди.
Ҳукумат июль ойининг биринчи ҳафтасида мамлакат бўйлаб эмлаш марказларига 5 миллион дозада вакцина етказиб беришни ваъда қилган.
Европанинг аксарият қисмида COVID-19 билан боғлиқ вазият яхшилана бошлаган эди. Шунинг учун қатор мамлакатлар чекловларни бекор қилганди.
Жумладан, Испанияда тиббий ниқобда юриш бекор қилинган.